कविताः राजनैतिक जिगलो (Political Gigalo)

राजनैतिक जिगलो

भाई भाई नै काटाकाट

गरेरै भए पनि,

सत्ता नाम भएकी

सुन्दरी भोग गर्न,

राजनीतिज्ञ भेषधारी

जिगलोहरु सधैं

मरिहत्ते गर्दो रहेछ ।

 

खै, थाहा भएन,

ती सुन्दरी नै

बैशले उन्मत्त भएर

डाक्तो हो की ? वा

सुन्दरीको कल्कलाउँदो

जवानी देखेर

जिगलोहरुले ¥याल काढेका ।

 

इतिहास देखि वर्तमानसम्म,

तिनै सुन्दरीलाई देखेर,

मै हुँ भन्ने ऋषिमुनिहरु

मैन झै पग्लिएको देख्दा,

आफैलाई शंका लाग्न थाल्यो,

सुन्दरीको नजिक पुग्दा,

मै पनि जिगलो बन्छु कि ?

 

—बटुकलाल तमाङ (2076)